:: પોલીસ ભરતી 2025/26 ::
પોસ્ટ : LRD - લોક રક્ષક અને PSI
જાહેરાત ક્રમાંક : GPRB/202526/1
ઉમેદવારો માટે અગત્યની સુચનાઓ :-
>>>> જે ઉમેદવારોએ પો.સ.ઇ. કેડર અને લોકરક્ષક કેડર બંને માટે અરજી કરેલ છે તેવા ઉમેદવારની શારીરિક કસોટી એક જ વાર લેવામાં આવશે. જો કોઈ ઉમેદવારને એકથી વધુ વાર કોલલેટર ઇશ્યુ થયેલ હોય તો તેઓએ તે પૈકી પહેલા આવતી તારીખ પર શારીરિક કસોટી માટે રીપોર્ટ કરવાનો રહેશે. એકથી વધુ વાર શારીરિક કસોટી આપવાનો પ્રયત્ન કરનાર અથવા આપનાર ઉમેદવાર આ ભરતી માટે ગેરલાયક ઠરશે તથા ભવિષ્યમાં થનાર રાજ્ય સરકારની ભરતી માટે પણ ગેરલાયક ઠેરવવાની કાર્યવાહી કરવામાં આવશે.
>>>> આ કોલ લેટર ગુજરાત પોલીસ ભરતી બોર્ડ દ્વારા આપવામાં આવેલ જાહેરાત ક્રમાંક: GPRB/202526/1 ની સુચનાઓમાં જણાવ્યા મુજબ તમામ સંવર્ગની જગ્યાઓ માટે વય મર્યાદા, શૈક્ષણિક લાયકાત, અનામતને લગતા પ્રમાણપત્રો, નોન-ક્રીમીલેયર સર્ટીફીકેટ, NCC "C" પ્રમાણપત્ર, રાષ્ટ્રીય રક્ષા યુનિવર્સિટી અથવા નેશનલ ફોરેન્સિક સાયન્સ યુનિવર્સિટીનું પ્રમાણપત્ર, રમત-ગમતનું પ્રમાણપત્ર, વિધવાનું પ્રમાણપત્ર શારીરિક માપ વિગેરે તમે ધરાવો છો તેમ માનીને આપવામાં આવે છે.
>>>> આ કોલલેટર ઓન લાઈન અરજી પત્રકમાં આપેલ વિગતોની ચકાસણી કર્યા વગર આપવામાં આવે છે. જરૂરી લાયકાતો ધરાવતા હોય તેવા જ ઉમેદવારોએ શારીરિક ક્ષમતા કસોટી (PET)માં ઉપસ્થિત રહેવું.
>>>> આ શારીરિક ક્ષમતા કસોટી (PET) માં ઉપસ્થિત થવા માટે આપે ડાઉનલોડ કરેલ કોલલેટર અચૂક સાથે લાવવાનો રહેશે.
>>>> ઉમેદવારે પોતાની ઓળખ માટેનો પુરાવો અસલમાં જેવો કે, આધાર કાર્ડ, ડ્રાઈવીંગ લાયસન્સ, પાન કાર્ડ, ચૂંટણી કાર્ડ વિગેરેમાંથી કોઈપણ એક પુરાવો પોતાની સાથે રાખવાનો રહેશે.
>>>> ઉમેદવારે શારીરિક પરીક્ષા સ્થળ કઈ જગ્યાએ આવેલ છે તેની અગાઉથી ખાતરી કરી લેવાની રહેશે.
>>>> શારીરિક ક્ષમતા કસોટી (PET)માં ઉમેદવારે પોતાના સ્વ-ખર્ચે અને જોખમે ભાગ લેવાનો રહેશે. ઈજા કે જાનહાનિ માટે ભરતી બોર્ડ જવાબદાર રહેશે નહિ.
>>>> પરીક્ષા આપનાર ઉમેદવારોએ પરીક્ષા માટે જે તે કેન્દ્ર (ગ્રાઉન્ડ) પર પ્રવેશપત્રમાં જણાવેલ તારીખ/સમયે અચૂક રીપોર્ટ કરવાનો રહેશે. તેમજ સવાર કલાક ૦૮:૦૦ બાદ ઉમેદવારોને કોઈપણ સંજોગોમાં પરીક્ષામાં પ્રવેશ આપવામાં આવશે નહીં.
>>>> ઉમેદવારોનું રજીસ્ટ્રેશન પરીક્ષાના દિવસે સવાર કલાક ૦૬:૦૦ વાગ્યાથી શરૂ કરવામાં આવશે.
>>>> ઉમેદવારોના બાયોમેટ્રિક રજીસ્ટ્રેશન કરવાનું હોવાથી ઉમેદવારોએ આંગળીની ઉપર મહેંદી, કંકુ, ચંદન કે અન્ય કોઈ પણ પ્રકારના રંગીન દ્રવ્ય લગાવવા નહિ.
>>>> જે ઉમેદવાર નિયત સમયમર્યાદામાં શારીરિક ક્ષમતા કસોટી (PET) પૂર્ણ ન કરી શકે, તે ઉમેદવાર આપોઆપ નાપાસ જાહેર થશે અને ત્યારબાદ શારીરિક માપ કસોટી (PST) માં ભાગ લેવા પાત્ર ઠરશે નહિ.
>>>> ઉમેદવારે દોડ માટે RFID TAG લગાવ્યા પછી દોડ પૂર્ણ કર્યા સુધી બાથરૂમ કે ટોયલેટ માટે જઈ શકશે નહી.
>>>> શારીરિક માપ (PST) અંગે ઉમેદવારને કોઈ વાંધો હોય તો ગ્રાઉન્ડ ઉપર ઉપલબ્ધ અપીલ બોર્ડને અપીલ કરી શકશે. અપીલ બોર્ડનો નિર્ણય આખરી ગણાશે.
>>>> શારીરિક ક્ષમતા કસોટી (PET)માં ઉમેદવારે મોબાઈલ કે અન્ય ઈલેક્ટ્રોનિક્સ ઉપકરણ લઈને આવવું નહિ. ફક્ત સાદી કાંડા ઘડિયાળ (સ્માર્ટ વોચ / ડીઝીટલ વોચ સિવાય) પહેરી શકશે.
>>>> લઘુત્તમ શારીરિક ધોરણો ધરાવતા ઉમેદવારોની જ ઊંચાઈ અને છાતીનું માપ લેવામાં આવશે.
>>>> જો કોઈ ઉમેદવાર કોઈપણ પ્રકારનું ડ્રગ્સ, કેફી દ્રવ્ય તથા શક્તિવર્ધક દવાઓનું સેવન કરીને શારીરિક ક્ષમતા કસોટી (PET)માં આવશે તો તેની ઉમેદવારી રદ કરવામાં આવશે.
>>>> ઉમેદવારના સગા કે મિત્રોને કસોટીના સ્થળે પ્રવેશવા દેવામાં આવશે નહિ.
>>>> ઉમેદવારે પોતાની શારીરિક કસોટીનો કોલલેટર ભરતી પ્રક્રિયાની સંપૂર્ણ કાર્યક્રમ પૂર્ણ ન થાય ત્યાં સુધી પોતાની પાસે સાચવીને રાખવાનો રહેશે.
>>>> આ શારીરિક પરીક્ષાનું પરિણામ ભરતી બોર્ડની વેબસાઈટ gprb.gujarat.gov.in પર મૂકવામાં આવશે.
>>>> દોડ દરમિયાન ઉમેદવારે સીધી દિશામાં દોડવાનું રહેશે.
>>>> હેલ્પલાઇન નંબર :- જો ઉમેદવારને કોઈ મુશ્કેલી જણાય તો (1) 8160880331 (2) 8160853877 તથા (3) 8160809253 ઉપર સવારે ૧૦:૦૦ થી સાંજે ૦૫:૩૦ સુધી સંપર્ક કરી શકે છે.
