બોર્ડની પરીક્ષાનો ડર દૂર કરવાના 15 સોનેરી સૂત્ર
સ્ટુડન્ટ સ્પેશિયલ : છેલ્લી ઘડીની તૈયારી
ગુજરાત બોર્ડ અને CBSE ના લાખો વિદ્યાર્થીઓ માટે એક્સપર્ટ આચાર્યો દ્વારા ખાસ માર્ગદર્શન.
01. 80/20નો નિયમ
હવે આખી ચોપડી વાંચવાનો સમય નથી. 5 વર્ષના પેપર જુઓ. 20% ટોપિક એવા હોય છે, જેમાંથી 80% પ્રશ્નો આવે છે. માત્ર IMP પર ફોકસ કરો.
02. પોમોડોરો ટેકનિક
25 મિનિટ અભ્યાસ અને 5 મિનિટ બ્રેક લો. આનાથી મગજ થાકતું નથી અને પેનિક કંટ્રોલ થાય છે.
03. લખીને 'લોકિંગ' કરવું
જે વાંચી રહ્યા છો તેના કી-વર્ડ્સ રફ કોપીમાં લખતા રહો. હાથ અને મગજનો તાલમેલ યાદશક્તિ 3 ગણી વધારી દે છે.
04. એક્ટિવ રિકોલ
પેરેગ્રાફ વાંચ્યા પછી આંખો બંધ કરો અને જાતે જ સમજાવો કે તમે શું વાંચ્યું. આ જ પરીક્ષામાં યાદ આવશે.
05. સ્ટ્રેસ મેનેજમેન્ટ
પેપર દરમિયાન ઊંડા શ્વાસ લો. જે આવડે છે તેના પર ફોકસ કરો, જેથી વધારાનો સ્ટ્રેસ ઊભો ન થાય.
06. ભૂલી જવાનો ભ્રમ
બધું ભૂલી ગયા હો એવું લાગવું એ મગજનું ડિફેન્સ મિકેનિઝમ છે. એક્ઝામમાં સવાલ સામે આવતા જ 'સબકોન્શિયસ માઈન્ડ' જવાબ યાદ અપાવશે.
07. ફ્લો ચાર્ટ અને માઈન્ડ મેપ
લાંબા જવાબો ગોખવાને બદલે પોઈન્ટ્સનો નકશો બનાવો. પરીક્ષામાં તમારા શબ્દોમાં લખવા માટે આ નકશો મદદરૂપ થશે.
08. નો ન્યુ ઝોન (No New Zone)
પરીક્ષાના છેલ્લા દિવસોમાં નવું ચેપ્ટર ન અડો. જે આવડે છે તેને જ પાકું કરો. નવું વાંચવાના ચક્કરમાં જૂનું ન ભૂલાય તેનું ધ્યાન રાખો.
09. 7 કલાકની ઊંઘ અનિવાર્ય
મગજ એક હાર્ડ ડ્રાઈવ છે. ડેટા સેવ કરવા માટે ઊંઘ જરૂરી છે. પૂરતી ઊંઘ ન લેવાથી વાંચેલો ડેટા 'કરપ્ટ' થઈ શકે છે.
10. મોક ડ્રિલ
ઘરે 3 કલાકનું એલાર્મ લગાવી જૂનું પેપર સોલ્વ કરો. આનાથી લખવાની સ્પીડ વધશે અને એક્ઝામનો ડર જશે.
11. પોઝિટિવ સેલ્ફ-ટોક
રોજ કહો- "મેં જેટલું વાંચ્યું છે તે પૂરતું છે અને હું સારું કરીશ." ડર વિચારોમાં છે, પેપરમાં નથી.
12. મુદ્દા વહેંચી દો
મોટા મુદ્દાને નાના ટુકડા કે વાર્તાના સ્વરૂપમાં વહેંચી દો, જે યાદ રાખવામાં ખૂબ જ સરળતા રહેશે.
13. અટકવું નહિ
કોઈ પ્રશ્ન ન આવડે તો ત્યાં જ અટકી ન જાઓ. આગળના પ્રશ્નો માટે સમય બચાવો અને પછી તે અઘરા પ્રશ્ન પર આવો.
14. ડાયાગ્રામનું મહત્વ
જરૂર હોય ત્યાં આકૃતિ અને ઉદાહરણ આપો. આનાથી પેપર ચેકર પર સારી ઇમ્પ્રેસન પડશે અને માર્ક્સ વધુ મળશે.
15. માત્ર નોંધપોથી વાંચો
પરીક્ષાના દિવસે નવા પુસ્તકોને બદલે પોતાની બનાવેલી ડાયરી કે નોંધપોથી જ વાંચો. તણાવ મુક્ત રહો.
તમામ વિદ્યાર્થીઓને બોર્ડની પરીક્ષા માટે ખુબ ખુબ શુભેચ્છાઓ! 👍
