🚌 GSRTC કંડક્ટર લાયસન્સ અને બેજ (Badge) કઢાવવાની સંપૂર્ણ A to Z માહિતી

ગુજરાત એસ.ટી. (GSRTC) માં કંડક્ટરની ભરતી માટે ઓનલાઈન ફોર્મ ભરતી વખતે જ કંડક્ટર લાયસન્સ નંબર અને બેજ નંબર નાખવો ફરજિયાત હોય છે. આ લાયસન્સ કોઈ સીધું કાઢી આપતું નથી, તેના માટે એક ચોક્કસ સરકારી પ્રોસેસમાંથી પસાર થવું પડે છે. ઉમેદવારોની સુવિધા માટે ફર્સ્ટ એઇડ સર્ટિફિકેટથી લઈને RTO ના ફોર્મ સુધીની સંપૂર્ણ માહિતી નીચે મુજબ છે.

🏥 રેડક્રોસ સોસાયટીમાંથી ફર્સ્ટ એઇડ (First Aid) સર્ટિફિકેટ મેળવવું

કંડક્ટર લાયસન્સ માટે આરટીઓ (RTO) માં ફોર્મ ભરતા પહેલા પ્રાથમિક સારવાર (First Aid) ની ટ્રેનિંગનું પ્રમાણપત્ર મેળવવું ફરજિયાત છે.

૧. ક્યાંથી મળશે ?

ગુજરાતના દરેક જિલ્લામાં આવેલી Indian Red Cross Society (ઇન્ડિયન રેડક્રોસ સોસાયટી) ની સત્તાવાર કચેરી ખાતેથી જ આ સર્ટિફિકેટ કઢાવવાનું રહેશે.

⚠️ ખાસ નોંધ : સેન્ટ જોન એમ્બ્યુલન્સનું પ્રમાણપત્ર હવે GSRTC ભરતીમાં માન્ય ગણાતું નથી, એટલે માત્ર રેડક્રોસ સોસાયટીનો જ સંપર્ક કરવો.

૨. નામ નોંધાવવા માટેના જરૂરી ડોક્યુમેન્ટ્સ :

તમારા જિલ્લાની રેડક્રોસ ઓફિસે રૂબરૂ જઈને અથવા તેમની ઓનલાઈન વેબસાઈટ પર નીચેના કાગળો આપવાના રહેશે :

• ધોરણ ૧૦ અથવા ૧૨ ની માર્કશીટ અને એલ.સી. (LC)

• આધાર કૉર્ડની નકલ

• ૨ પાસપોર્ટ સાઇઝના ફોટા

• નિયત ટ્રેનિંગ ફી

👉 અહીંથી તમને પ્રોવિઝનલ (કાચું) ફર્સ્ટ એઇડ સર્ટિફિકેટ અને તેની ફી ભર્યાની અસલ રસીદ (Fee Receipt) આપવામાં આવશે. આ પ્રોવિઝનલ સર્ટિફિકેટ અને રસીદના આધારે જ RTO નું ફોર્મ ભરી શકાશે.

📁 જરૂરી કાગળો (ડોક્યુમેન્ટ્સ) તૈયાર કરવા :-

RTO ની વેબસાઈટ પર ઓનલાઈન ફોર્મ ભરતા પહેલાં નીચેના તમામ ડોક્યુમેન્ટ્સ તૈયાર રાખો :

• ઉંમરનો પુરાવો (Age Proof): ધોરણ ૧૦ ની માર્કશીટ અથવા શાળા છોડ્યાનું પ્રમાણપત્ર (L.C.) કે જન્મનું પ્રમાણપત્ર.

• સરનામાનો પુરાવો (Address Proof) : આધાર કાર્ડ, ચૂંટણી કાર્ડ અથવા લાઈટ બિલ.

• શૈક્ષણિક લાયકાત : ધોરણ ૧૨ પાસની માર્કશીટ.

• First Aid Certificate : રેડક્રોસ સોસાયટીનું સર્ટિફિકેટ.

• First Aid Fees Receipt : રેડક્રોસ સોસાયટીની ફી ભર્યાની અસલ રસીદ.

• મેડિકલ ફિટનેસ સર્ટિફિકેટ (Form 1A / Form MCC):
અહી ક્લિક કરો

ખાસ ધ્યાન રાખવું : ડોક્ટરના સિક્કામાં તેમનો મેડિકલ રજિસ્ટ્રેશન નંબર સ્પષ્ટ દેખાવો જોઈએ, અને તમારા ફોટા પર ડોક્ટરની અડધી સહી અને અડધો સિક્કો હોવો ફરજિયાત છે.

• પોલીસ કેરેક્ટર સર્ટિફિકેટ : નજીકના પોલીસ સ્ટેશનમાંથી મેળવેલું ચારિત્ર્યનું પ્રમાણપત્ર (Police Verification).

• એફિડેવિટ (Affidavit) : કંડક્ટર લાયસન્સ માટે નોટરી પાસે કરાવેલું સોગંદનામું (આ સોગંદનામાનું ફોર્મેટ વકીલ કે નોટરી કરનાર પાસે તૈયાર જ હોય છે).

• ફોટો અને સાઇન : પાસપોર્ટ સાઇઝ ફોટો અને કોરા કાગળ પર કરેલી સહી (જે ઓનલાઈન અપલોડ કરવાની રહેશે).

🌐 સારથિ (Parivahan) પોર્ટલ પર ઓનલાઈન ફોર્મ અને ફી ની પ્રક્રિયા :-

તમામ ડોક્યુમેન્ટ્સ તૈયાર થઈ ગયા પછી ઓનલાઈન ફોર્મ ભરવા માટે નીચેના સ્ટેપ્સ ફોલો કરો :

૧. ઓનલાઈન અરજી કેવી રીતે કરવી ?

1 સૌથી પહેલા કેન્દ્ર સરકારની અધિકૃત વેબસાઈટ sarathi.parivahan.gov.in ઓપન કરો.
2 રાજ્યના લિસ્ટમાંથી 'Gujarat' સિલેક્ટ કરો.
3 હવે હોમ પેજ પર ડાબી બાજુએ 'Conductor License' મેનુ પર ક્લિક કરી 'Apply for Temporary Conductor License' ઓપ્શન પસંદ કરો.
4 નવું પેજ ખુલશે, ત્યાં નીચે આપેલા 'Continue' બટન પર ક્લિક કરો.

૨. વિગતો ભરવી (Form Filling):

• Personal Details : તમારું નામ, પિતાનું નામ, માતાનું નામ, જન્મતારીખ, જાતિ (Gender), લોહીનું ગ્રુપ (Blood Group) અને મોબાઈલ નંબર એકદમ સાચા ભરો.

• Address Details : તમારો જિલ્લો, તાલુકો, ગામ અને પૂરું સરનામું પીનકોડ સાથે નાખો.

• First Aid Details (ખાસ ધ્યાન આપવું):
Institution Name : 'Indian Red Cross Society' લખવું.
Certificate Number : સર્ટિફિકેટ પર લખેલો નંબર નાખવો.
Issue Date & Validity Date : સર્ટિફિકેટ કઈ તારીખે ઇશ્યૂ થયું અને ક્યારે પૂરું થાય છે તે તારીખો નાખવી.

• Medical Fitness Details : ફિટનેસ સર્ટિફિકેટ આપનાર MBBS ડોક્ટરનું નામ, તેમનો મેડિકલ કાઉન્સિલ રજિસ્ટ્રેશન નંબર અને હોસ્પિટલ/ક્લિનિકનું નામ અને સરનામું સચોટ લખો.

બધી વિગતો ભરાઈ ગયા પછી 'Submit' બટન પર ક્લિક કરો.

૩. એપ્લિકેશન નંબર અને ડોક્યુમેન્ટ અપલોડ:

ફોર્મ સબમિટ થતાં જ સ્ક્રીન પર Application Number (અરજી નંબર) આવશે. આ નંબર નોંધી લો અને એપ્લિકેશન સ્લિપ ડાઉનલોડ કરી લો.

હવે 'Upload Documents' સેક્શનમાં જઈને ઉપર જણાવેલા તમામ ડોક્યુમેન્ટ્સ એક પછી એક સ્કેન કરીને અપલોડ કરો. ત્યારબાદ તમારો ફોટો અને સહી અપલોડ કરો.

૪. ઓનલાઈન ફી ભરવી (Fee Payment) :

બધાય ડોક્યુમેન્ટ અપલોડ થઈ ગયા પછી 'Fee Payment' ના ઓપ્શન પર જાઓ. કંડક્ટર લાયસન્સ માટેની નિયત સરકારી ફી (આશરે ₹130 ની આસપાસ હોય છે) નેટ બેન્કિંગ, ડેબિટ કાર્ડ કે UPI (PhonePe, Google Pay, Paytm) દ્વારા ઓનલાઈન ભરી દો. ફી ભરાઈ ગયા પછી Payment Receipt ની પ્રિન્ટ ખાસ કાઢી લેવી.

🏛️ છેલ્લું સ્ટેપ : RTO કચેરીની રૂબરૂ મુલાકાત (Document Verification)

ઓનલાઈન ફોર્મ ભરાઈ ગયા અને ફી લેવાઈ ગયા પછી, તમારું ઓનલાઈન સ્ટેટસ 'Pending for Verification at RTO' બતાવશે. હવે ઉમેદવારે નીચે મુજબ કરવાનું રહેશે:

📂 કયા કાગળો સાથે લઈ જવા ?

• ઓનલાઈન ભરેલા ફોર્મની પ્રિન્ટ (Application Form)

• ઓનલાઈન ફી ભર્યાની રસીદ (Fee Receipt)

• ઉપર જણાવેલા તમામ ડોક્યુમેન્ટ્સના અસલ (Original) કાગળો

• બધા જ ડોક્યુમેન્ટ્સની ઝેરોક્ષ નકલોનો આખો સેટ (સેલ્ફ એટેસ્ટેડ)

• તાજેતરના પાસપોર્ટ સાઇઝના ફોટા

⚙️ RTO માં શું પ્રોસેસ થશે ?

તમારી નજીકની RTO કચેરીએ રૂબરૂ જઈને કંડક્ટર લાયસન્સ વિન્ડો પર તમારા અસલ કાગળો વેરિફિકેશન કરાવવાના રહેશે. RTO ના અધિકારી તમારા કાગળો ચેક કરીને ઓનલાઈન અપ્રૂવલ (Approval) આપશે. RTO માંથી ફોર્મ અપ્રૂવ થયા બાદ તમારો Conductor License Number અને Badge Number જનરેટ થઈ જશે

>> ભરતી ની માહિતી <<

👇👇

📲 કંડકટર ભરતી : અહી ક્લિક કરો

📲 ડ્રાઈવર ભરતી : અહી ક્લિક કરો