GPSC નો મોટો નિર્ણય
પરીક્ષામાં અસફળ રહેલા ઉમેદવારોને મળશે પ્રાઇવેટ અને સરકારી કંપનીઓમાં સીધી નોકરી
ગુજરાત જાહેર સેવા આયોગ (GPSC) દ્વારા સ્પર્ધાત્મક પરીક્ષાઓની તૈયારી કરતા વિદ્યાર્થીઓ માટે એક ખૂબ જ મહત્વના સમાચાર આવ્યા છે. આયોગ દ્વારા ખાસ “અવસર” (Avsar) મોડ્યુલ શરૂ કરવામાં આવ્યું છે. જે ઉમેદવારો ખૂબ જ મહેનત કરવા છતાં GPSC ના આખરી પરિણામમાં અસફળ રહ્યા હોય અથવા વેટિંગ લિસ્ટમાં રહી ગયા હોય, તેઓને પ્રાઇવેટ કે જાહેર સાહસોમાં વૈકલ્પિક રોજગારી મળી રહે તે હેતુથી આ નવો નિર્ણય લેવાયો છે.
💡 "અવસર" મોડ્યુલ શું છે?
આ એક નવું ડિજિટલ માધ્યમ છે જેમાં GPSC માત્ર એક પ્લેટફોર્મ પૂરું પાડશે. જો તમે ઓનલાઈન સંમતિ (Consent) આપશો, તો GPSC તમારો ડેટા (નામ, મોબાઈલ નંબર, ઈમેઈલ અને શૈક્ષણિક લાયકાત) ગુજરાત/ભારત સરકારના જાહેર સાહસો (PSUs), અન્ય સરકારી વિભાગો અને પ્રતિષ્ઠિત ખાનગી કંપનીઓ સાથે શેર કરશે. જેથી આ કંપનીઓ પોતાની જરૂરિયાત મુજબ સામેથી તમારો સંપર્ક કરીને નોકરીની ઉત્કૃષ્ટ તકો પૂરી પાડી શકશે.
📌 આ યોજનાની મુખ્ય બાબતો
⚡
૧. છેલ્લા 5 વર્ષના ઉમેદવારો માટે તક :
જે ઉમેદવારોએ છેલ્લા ૫ (પાંચ) વર્ષમાં પૂર્ણ થયેલી GPSC ની વર્ગ-૧ અને વર્ગ-૨ ની ભરતી પ્રક્રિયામાં ભાગ લીધો હોય અને આખરી પરિણામમાં અસફળ રહ્યા હોય કે પ્રતિક્ષાયાદી (Waiting List) માં સમાવિષ્ટ હોય, તેઓ જ આનો લાભ લઈ શકશે.
⚡
૨. ડેટાની સંપૂર્ણ સુરક્ષા (Data Privacy) :
નોંધાયેલી કંપનીઓ તમારા ડેટાનો ઉપયોગ માત્ર નોકરી આપવા માટે જ કરી શકશે, અન્ય કોઈ હેતુ માટે ઉપયોગ કે બીજા કોઈને શેર કરી શકશે નહીં. ડેટા સેફ્ટીની સંપૂર્ણ જવાબદારી જે તે સંસ્થાની રહેશે.
⚡
૩. ઓનલાઈન સંમતિ અને OTP પ્રોસેસ :
તમારી મંજૂરી વગર ડેટા શેર થશે નહીં. સુરક્ષા માટે તમારા રજીસ્ટર્ડ મોબાઈલ અને ઈમેઈલ આઈડી પર OTP મોકલવામાં આવશે, જે દાખલ કર્યા બાદ જ સંમતિની પ્રક્રિયા પૂર્ણ થશે.
⚡
૪. કન્ફર્મેશન નંબર ભૂલી ગયા છો ?
જો તમે જૂની ભરતીના કન્ફર્મેશન નંબર ભૂલી ગયા હશો, તો પણ ઓનલાઈન પોર્ટલ પરથી સરળતાથી નવો નંબર મેળવવાની વ્યવસ્થા કરવામાં આવી છે.
⚡
૫. આયોગની ભૂમિકા અંગે સ્પષ્ટતા :
GPSC માત્ર લાયક ઉમેદવારો અને કંપનીઓને જોડવાનું માધ્યમ છે. નોકરીની શરતો, પગાર ધોરણ કે નિયમો બાબતે આયોગની કોઈ સત્તાવાર કે કાનૂની જવાબદારી રહેશે નહીં.
📝 ઓનલાઈન સંમતિ આપવાની રીત :
સ્ટેપ ૧: સૌથી પહેલા નીચે આપેલ બટન પરથી GPSC-OJAS પોર્ટલ ઓપન કરો.
સ્ટેપ ૨: હોમ પેજ પર આપેલા "અવસર" (Avsar) મોડ્યુલ પર જાવ.
સ્ટેપ ૩: તમારો જાહેરાત ક્રમાંક અને કન્ફર્મેશન નંબર દાખલ કરો.
સ્ટેપ ૪: મોબાઈલ/ઈમેઈલ પર આવેલ ઓટીપી (OTP) વેરીફાય કરી ફોર્મ સબમિટ કરો.
>> નોટિફિકેશન <<
👇👇
