સ્પર્ધાત્મક પરીક્ષા માટે તાલીમ સહાય યોજના....
યોજનાનું સ્વરૂપ/સહાયના ધોરણો :-
બિનઅનામત વર્ગના વિદ્યાર્થીઓને યુ.પી.એસ.સી (U.P.S.C), જી.પી.એસ.સી.(G.P.S.C.) સ્ટાફ સીલેકશન કમિશન, રેલ્વે રીકરુટમેન્ટ બોર્ડ, બેંક, ગૌણસેવા પસંદગી મડંળ, પંચાયત સેવા પસંદગી મંડળ રાજ્ય પોલીસ ભરતી બોર્ડ, સેંટ્રલ પોલીસ ફોર્સ વગેરે દ્વારા લેવાતી વર્ગ-૧, વર્ગ-૨ અને વર્ગ-૩ની ગુજરાત સરકાર તથા ભારત સરકારની તમામ સ્પર્ધાત્મક પરીક્ષા માંથી કોઇ પણ એક પરીક્ષાની તૈયારી માટે તાલીમ મેળવતા વિદ્યાર્થીઓને વિદ્યાર્થી
દીઠ રુ ૨૦,૦૦૦/-અથવા ખરેખર ચુકવવાની થતી ફી એ બે માંથી જે ઓછી હોય તે સીધી સહાય (D.B.T.) મારફતે વિધાર્થીના બેંક એકાઉન્ટમાં મળવાપાત્ર થશે.
આવક મર્યાદા :- કુટુંબની વાર્ષિક આવક મર્યાદા રૂા. ૬.૦૦ લાખ કે તેથી ઓછી.
કોચીંગ સહાય મેળવવા ઇચ્છતા તાલીમાર્થીઓ માટેની જોગવાઇઓ :-
- બિનઅનામત વર્ગના તાલીમાર્થીઓને આ યોજનાનો લાભ મળવાપાત્ર રહેશે.
- આ સહાય ફક્ત એક જ વાર મળવાપાત્ર થશે.
- તાલીમાર્થીજે ભરતી પરીક્ષા માટે કોચીંગ મેળવવા માંગતા હોય તે ભરતીની શૈક્ષણિક લાયકાત અને વય મર્યાદા ધરાવતા હોવા જોઇશે.
- સહાય મેળવવા માટે ધોરણ-૧૨ માં ૬૦ ટકા કે તેથી વધુ હોવા જરુરી છે.
- તાલીમાર્થીએ ટ્યુશન કલાસીસમાં એડમીશન મેળવ્યા અંગેનો એડમીશનની તારીખ સાથેનો એડમીશન લેટર રજુ કરવાનો રહેશે.
- ઓનલાઇન અરજી સહ જરૂરી સાધનિક પુરાવાઓ ઓરીઝનલ ડોક્યુમેન્ટ સ્કેન કરીને અપલોડ કરવાના રહેશે.
- વિધાર્થીએ ટ્યુશન કલાસ શરૂ કર્યાના દિન-૩૦ માં ઓનલાઇન અપલોડ કરેલ ડોક્યુમેન્ટ તથા અરજીની હાર્ડ કોપી સાથે જે જિલ્લામાં ટ્યુશન કલાસ હોય તે જિલ્લા કચેરીએ રજુ કરવાની રહેશે. સમય મર્યાદા બાદ હાર્ડકોપી જિલ્લા કચેરીએ રજુ કરેલ હશે તો અરજી નામંજુર કરવામાં આવશે.
- વિધાર્થીએ ન્યૂનતમ ૯૦ દિવસની તાલીમ મેળવવાની રહેશે.
- જિલ્લા કક્ષાએથી પૂર્તતા માટે અરજદારને પરત કરેલ અરજીઓ પૂર્તતા માટે પરત કર્યા તારીખથી દિન-૧૫ માં તાલીમાર્થીએ પૂર્તતા કરી અરજી ફરજીયાત ઓનલાઇન સબમીટ કરવાની રહેશે.
તાલીમ આપતી સંસ્થાની પસંદગી અંગેના ન્યુનતમ ધારા ધોરણ :-
>>>> સંસ્થા ટ્રસ્ટ એકટ/શોપ એસ્ટાબીલ્સમેન્ટ એકટ (ગુમાસ્તા ધારો)/કંપની એક્ટ/ સહકારી કાયદા વિગેરે જેવા કોઇ પણ અધિનિયમ કે નિયમો હેઠળ નોંધાયેલી હોવી જોઇશે.
>>>> સંસ્થા ન્યૂનતમ ૩ વર્ષ કે તેથી વધુ સમયથી સ્પર્ધાત્મક પરીક્ષાઓના તાલીમ અને શિક્ષણના ક્ષેત્રમાં કાર્યાન્વિત હોવી જોઇશે.
>>>> સંસ્થાએ છેલ્લા ત્રણ વર્ષના IT રીટર્ન રજુ કરવાના રહેશે. જેમાં સ્પર્ધાત્મક પરીક્ષાના વર્ગોની આવક દર્શાવેલ હોવી જોઇએ.
>>>> સંસ્થા ફરજીયાત GST નંબર ધરાવતી હોવી જોઇએ. જેના રજીસ્ટ્રેશનના આધાર રજુ કરવાના રહેશે.
જરૂરી ડૉક્યુમેન્ટ - આધારકાર્ડની નકલ
- ઉંમરનો પુરાવો(જન્મનું પ્રમાણપત્ર/લિવિંગ સર્ટિફીકેટ)
- રહેઠાણનો પુરાવો
- બિન અનામત વર્ગનું પ્રમાણપત્ર
- આવકનું પ્રમાણપત્ર
- ધોરણ - ૧૦ ની માર્કશીટની નકલ
- ધોરણ - ૧૨ ની માર્કશીટની નકલ
- સ્પર્ધાત્મક પરીક્ષા તાલીમ ક્લાસ સમાજ/ટ્રસ્ટ/સંસ્થા સંચાલિત છે. તો તેના રજિસ્ટ્રેશન / GST નંબર નો પુરાવો
- તાલીમ માટે ભરવાની થતી/ભરેલ ફી નો પુરાવો
- સંસ્થાનો એડમીશન લેટર (સ્પર્ઘાત્મક ૫રીક્ષાનાં નામ તેમજ ફી ની વિગતો સહિત)
- અરજદારના બેંક પાસબુકના પ્રથમ પાનાની ઝેરોક્ષ નકલ
નોંધ : આ યોજનાનો લાભ ફક્ત ઓપન /EWS કેટેગરીમાં આવતા વિદ્યાર્થીઓને મળવા પાત્ર છે...
